دروس تقوية في الرخامة

كل سنة وانتم طيبين يا بشرررررررر

اسمحولي اكلمكم النهاردة عن الرخامة

وازاي تكون رخم محترف ( محترف محترف يعني )

يعني بعد ما تقرا الموضوع ده هيكون عندك القدرة انك ترخم على طوب الارض

او العكس انك تتقي شر الرخمين ههههههههههههههه ههههههههههههههه

أولاً : ازاي ترخم على ضيوفك !

لو عازم صحابك على العشاء مثلاً .. خليك انت خلص اكل اول واحد

و بعدين روح بسرعة علشان تغسل ايديك .. و بعد ما تغسل ايديك افتح الميه

على السخن بس .. و اقفل الساقع خالص . و استنى شوية 10 ثواني كدا

و بعدين اقفل الميه طبعا بواقي المية اللي في المواسير واللي في الحنفية

هتكون سخنة ناااااااااااار و شوف انت بقى اللي بعدك هيحصله ايه

*************** **

لو جالك ضيف رخم ..

روح اعمل شاي و خلي الشاي سخن موحوح وما تحطهوش في (مج) ..

حطه في كوبيات عادية ( من غير ايد ) واملاها للاخر علشان مايعرفش يمسكها

وطبعا هتبعد اقرب ترابيزة للضيف دة عشان يفضل ماسك الكوباية ( دة لو قدر اساسا )

*************** **

و لو عندك ضيف دمه تقيل و عاوز تفلسعه .. اظبط المنبه بتاع الموبايل بحيث كل شوية

يرن واعمل ان في واحد بيتصل بيك وقوله : ايه ؟ ..

دلوقتي لالا .. عندي ضيف .. يمكن بعد 10 دقايق ولا حاجه .

و ما تلبس ساعة علشان كل شوية تسأله الساعه كام .

*************** **

و لو واحد رخم و رغاي اتصل بيك حاول ترد عليه بكلام مختصر ( ايوه .. ماشي ..

حاضر .. اوكي .. لا .. هشوف) .. و لو فضل يرغي كتير ما تردش عليه

و اعمل نفسك بتكلم واحد جنبك و بعدين قوله :آسف معلش كنت بكلم اخويا

واعملها كذا مرة .. و لو طول قوي قوي بقى و مش عارف تخلص منه

اعمل ان الخط قطع .. و انك مش سامعه و قول : الو ..الو انت روحت فين ؟؟ ... الو)

وبعدين قوم قافل السكة يا معلم .

*************** **

و لو في حد رافع ضغطك و عايز تعمل فيه مقلب

خد ولاعه وسخن بيها مقبض الباب وبعدين اعمل نفسك بتتكلم في

الموبايل و قوله : افتح الباب

*************** **

ثانياً : ازاي ترخم على ناس في اوتوبيس !

اول حاجة لو كنت مسافر سفر طويل باتوبيس يعنى حوالى 8 او9 ساعات

فى الطريق طبعا هيبقى الكل على اخره ودى فرصتك يا معلم عشان تزهق فى خلق الله

حاول تروح تركب بدرى اول واحد وحط شنطتك اول شنطة فى شنطة الاتوبيس

ودخلها جوة اوى عشان كل الى يجى يحط شنطيته يحطها فوق شنطتك

وانزل انت من الاتوبيس بدرى شوية قبل ما الاتوبيس يقف والناس تبدأ تنزل

انزل قلب فى الشنط وطلعها برة ووقعها وافردها فى الشارع وتوه الشنط فى بعض

بحجة انك بتجيب شنطتك يا معلم ماهى اول شنطة من جوة هتلاقيها بعيد اوى

هتلاقى كل الناس نزلت بتجرى فى الشارع تدور على شنطها

تانى حاجة وانت بتحجز خلى كرسيك جمب الشباك

واركب انت الاول ومتقعدش فى الكرسى الى انت حاجزه اقعد فى الى جمبه

طبعا الراجل الى جمبك فى الكرسى هايجى هيلاقى الكرسى الى جمب الشباك

فاضى هايتبسط اوى وهيدخل يقعد فيه جرى ... خليه يقعد وسيبه متكلموش

سيبه نص ساعة او ساعة لحد ما يتكيف على المكان وياخد رحتة عالاخر

وياسلام لو كان نام وفى عز نومة ازغدة فى قلبة وقوله : قوم فز دا مكانى ياعم

هيزعق ويقول انا قعدت فيه الاول طلع التذكرة وحطها فى عينه وانده للسواق

وطبعا هتوقف الاتوبيس واعمل خناقة لحد ما تقعد مكانك .

خلاص قعدت مكانك وظبطت نفسك ياعم طبعا الراجل اللى جمبك دا مش طايق

يبص فى خلقتك خليك مبتسم دايما ومبسوط فى وشة ولو زهقت منه وحبيت تاخد رست

خش على الى قدامك شوية افرد رجلك من تحت الكرسى وخبط فى رجليه كل شوية

وإن اتكلم قوله : اعملك ايه رجلى طويلة ابقى احجزلك كرسيين ورا بعض

ويا سلام لو اللي قدامك دة حاطط اكل او شرب تحت الكرسى اخبطه

ووقعه فى الارض وكدة يبقى خلصت على الى قدامك ارجع بقي للى جمبك تانى

اول ما ينام ويريح نفسة صحيه وانت مبتسم وقوله : عدينى اروح الحمام لو سمحت

هيقوم متغاظ طبعا وانت بتعدى حط ايدك على وشه وقوله : سوري مكنش قصدي

دخلت الحمام يا برنس وخلصت وانت خارج لاقيت واحد مستنى يدخل الحمام

دى فرصتك يبقى فيه ضحية تالتة [ندعوك للتسجيل في المنتدى أو التعريف بنفسك لمعاينة هذه الصورة] قوله سورى نسيت حاجة

وادخل تانى واقعد جوة ساعتين [ندعوك للتسجيل في المنتدى أو التعريف بنفسك لمعاينة هذه الصورة] لحد ما يولع فى نفسة برة

ولما تخرج لو لاقيتة لسة مستنى قولة على فكرة الميه قطعة وسيبة وامشى

كدة يبق انت كفرت كل اللى فى الاتوبيس طبعا هتقولوا ياعم انت مزهقتش غير تلاتة

هقولك لا يا بابا لا اصحي معايا انت ناسي طريقة الشنط ولا اية ؟؟؟؟؟؟؟؟؟

واتمنى ليكم رحلة خنيقة

*************** **

ثالثاً : ازاي ترخم على الناس في المحلات !

ادخل اى محل جزم ويا سلام لو كان فية زباين اقعد استنى لحد مازبون يقلع جزمتة

عشان يقيس تقوم سادد منخيرك وتمسك بطنك وتقول اوف وتعمل اكنك عايز ترجع

وتقول لصاحب المحل ماترش معطر ياعم اية الريحة دى هتلاقى الراجل اللى بيقيس

الجزمة ( يا كبد امه ) وشة بقى زى الطمطماية

ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول

عشان انت جى الاول قولة لا خلص الانسة الاول هتقولك شكرا والراجل هيقولك اوك

اول مايبدا معاها زعق اوى وقولة ايه ياعم مش انا جى الاول ولا هيا كوسة ولا عشان بنت

يعنى سبحان الله ياجدعان نموت نفسينا يعنى عشان رجالة وسيبه وامشى قبل ما يتكلم ولا كلمة

شوف واحد ماشى فى الشارع وعدى من جمبة وامسك منخيرك وقول يخرب بيت الاكل اللي

بتاكلوه ده .. وبص له شوية بقرف وامشى فى حالك

*************** **

رابعا: فى الكليه طبعا لازم تسيب بصمتك يا برنس

فى الكلية هتقابل صاحبك وهتقعدوا على أى كافيه هيجى الجرسون سيب صاحبك يطلب الأول

وبعدين استلم الجارسون بقى واديله نصيبه قوله عندك برجر ؟ هيقولك اه

قوله حلو ؟ هيقولك تمام قوله اوك يبقى هاخد واحد شاورمة

طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها

المهم حاول تجيبله جفاف عقبال ماتطلب اللى انت عايزه

وأنت بتاكل بقى أتسلى على المخلل .... اللى مش عاجبك أرمى شوية على التربيزة

وشوية على الأرض أنت وذوقك بقى

لو معاك كاتشب مفيش مانع تكتب أول حرف من اسمك على التربيزة

المهم تخليله التربيزة شبه التورتة ومتنساش تعيب على الأكل وأنت بتحاسب

وكمان تقول الحساب غالى

فى المدرج أرشق نفسك بين أتنين متعرفهمش وابتدى الشغل بقى [ندعوك للتسجيل في المنتدى أو التعريف بنفسك لمعاينة هذه الصورة]

أتعامل على إنك صاحبهم من قرن يضحكوا على حاجة اضحك معاهم

وادخل في حديثهم المهم تركز معاهم كأنك من بقيت أهلهم اوخلفوك ونسيوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم

لو مسكتش أنا هقول للدكتور والحركة دى رذلة ومستفزة جدا بس اشطه يعنى

ويا سلام لو واحد وواحدة يبقى أنت كده جبت من الآخريا معلم

لو جنبك واحد بيكتب يبقى اتفتحتلك طاقة القدر اقعد اسأله

وعطله ومتخليهوش يكتب سطرين على بعض واسأله المحاضرة هتخلص امتى ؟

واستغل اختراع احمد زويل كل فيمتو ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول بينه وبين نفسة ياريتنى ماكملت تعليم

وكره حياته كلها زى باقى الضحايا

عايز تعمل دماغ حلوة روح على شباك شئون الطلبة أعمل أهبل وأنت داخل

وأقف أول واحد هيرجعوك ورا تحاول تقف مكان أى حد وترذل على كله

هما أصلا بيبقوا واقفين مش طايقين نفسهم وطبعا ماتنساش تفضل تزق في

اللي قدامك وتقول الله ياجماعة ياللى ورا متزقوش

واول ما اللي قدامك يوصل للشباك ومن قبل ماينطق ولا كلمة

تقعد تقوله خلص يالا عشان غيرك ومتخليهوش يركز مع بتاع شئون الطلبة خالص

لما يجى دورك بقى بيبقوا عايزين يخلصوك واللى واقفين وراك فى الطابور

مستنينك تغور فى داهية بفارغ الصبر ( انما علي مين ) خد وقتك كأنك بتحجز

فى سينما و اسأل أسئلة كتير وكل مايقولك حاجة قوله مش فاهم معلش قول تانى

فهمنى أعمل أيه بالظبط لحد ماتشل أكبر عدد ممكن..

بس وكدة اقدر اكون سلحتكم بالسلاح اللي تنتفعوا بيه في حياتكم

ملحوظة : انا مش مسئول عن اي حاجة ممكن تحصل

وتذكروا جيدا ان في احوال كتيرة جدا بيكون الجري هو الجدعنة نفسها

باشا ياباشا

وحشنى كتيررررر

موضوع هايل

ويودى فى داهية

بقى توقعنا فى الغلط وتقول الجرى كل الجدعنة

ماشى

بس ياترى

لو انت على النت ومشارك فى منتدى تعمل اية

مقولتيش يعنى

دى مش رخاااااااااااااااااامه دى قلة ,,,,,,,,,,,,,,,,,,,,,,, و اذيه Exclamation

و اجرى بقى من قدامى مش الجرى نص الجدعنه

بيسو كتب:: باشا ياباشا

وحشنى كتيررررر

موضوع هايل

ويودى فى داهية

بقى توقعنا فى الغلط وتقول الجرى كل الجدعنة

ماشى

بس ياترى

لو انت على النت ومشارك فى منتدى تعمل اية

مقولتيش يعنى

حبيب قلبي بيسو انت تؤمر يا حبي

لو انا مكانك ومشارك في منتدي اكيد هلم للمدير مبلغ محترم

واطبقة وابعتهولو علي صندوق الرسايل

بس طبعا هبعتة من سكاااااااااااااااات [ندعوك للتسجيل في المنتدى أو التعريف بنفسك لمعاينة هذه الصورة]

والـحـــــــــــدق يـفـــــــم بــــــــــقي
[ندعوك للتسجيل في المنتدى أو التعريف بنفسك لمعاينة هذه الصورة]

julie كتب:: دى مش رخاااااااااااااااااامه دى قلة ,,,,,,,,,,,,,,,,,,,,,,, و اذيه [ندعوك للتسجيل في المنتدى أو التعريف بنفسك لمعاينة هذه الصورة]

و اجرى بقى من قدامى مش الجرى نص الجدعنه

اجري اية يا جولي ... هو انا لسة قولت حاجة

دة قليل من كثيرررررررررر

والبقية تاتي ... تابعونا تجدوا ما يسركم [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههه

لية كدة بس يا بيبي

دانت حتى دمك شربات

ههههههههههههههههههه

عايز فلووووووووووووس
انزل تحت وانت تلقيهم

[ندعوك للتسجيل في المنتدى أو التعريف بنفسك لمعاينة هذه الصورة]