حلاوة طاعة الله

اللهم صلي وسلم وبارك علي اشرف واطهر الخلق سيدنا محمد (ص)

حلاوة التقرب الي الله عز وجل

ده احساس جميل اوي لا يضاهيه اي احساس اخر في الدنيا

لما تحس انك عايش بس عشان تعمل اللي يرضي الله سبحانه وتعالي ورسوله

لما تقوم بليل لوحدك والناس نايمه تصلي الفجر وتقعد تتدعي ربك وتتكلم معاه

لما ترمي كل حمولك وهمومك واتكالك علي المولي لانك واثق في كرمه ورحمته

لما تبيقي مشتاق لزيارة بيت الله الحرم وزيارة رسوله وتسيب الدنيا كلها وتروح هناك

لما تسمع صوت الاذان وقلبك بيردد ورا المؤذن وتقوم تصلي لانك حابب انك تقف امام الرحمن

لما الدنيا كلها تضيق وتتقفل حواليك ومتلقيش غير ربنا تجري وتشتكيله وتبكي بين اياديه

لما يكون قدامك الحرام سهل والشيطان مزينه ليك وانت بترفض وتقاوم شهواتك لانك خايف من غضب الله عليك

لما يبتليك الله ببلاء او اختبار قاسي وتحمد ربك وترضي وتحتسب صبرك عند الله

لما يبقي الزمن اللي انت عايشه بقي الحرام في هو الصح وانت متمسك بدينك وطاعه ربنا

لما تقعد تقرأ كتاب الله بتدبر وتفهم معاني اياته الكريمه وتحس بكل حرف فيها

لما تتأمل في ملكوت الله في كل شيْ واي شيْ مهما كان صغير وتحس بعظمة الخالق

لما تحس بأمان داخلي بأن الله حفظك ويقف جانبك في احلك الظروف

لما تحس ان الدنيا كلها مش فارقه معاك وان كل همك هو رضي الله ورسوله

لما تكون مجتمع مع صحبه او اهل يؤذن المصلي وانت الوحيد اللي تقوم تصلي

لما تحس ان ربنا مبارك لك في كل حياتك واحوالك ورزقك وصحتك

لما يكون عندك يقين ان متعتك وثوابك واجرك وحياتك السعيده في الاخر مش في الدنيا

لما تبقي مشتاق لرؤية النبي صلي الله عليه وسلم في منامك

لما يكون املك ان تستمتع يوم القيامه برؤية وجهه الله عز وجل

لما تتخيل انك تستظل بعرش الرحمن يوم لا ظل الا ظله

لما تجري علي الرسول الامين وترتمي بين يديه وانت متبع سنته

لما يسقيك الرسول بيديه الشريفتين شربة ماء لا تظماء بعدها ابدا

اكيد كل الاشياء دي متعه كبيره بل هي كل المتعه